ഓസ്ട്രേലിയന് ഓപ്പണ് സൂപ്പര് സീരീസ് ബാഡ്മിന്റൺ കിരീടം ഇന്ത്യയുടെ കെ. ശ്രീകാന്തിന്. ഒളിമ്പിക് ചാംപ്യന് ചെന് ലോങിനെ തോൽപ്പിച്ചാണ് കിരീടം നേടിയത്. സ്കോർ 22-20, 21-16. ശ്രീകാന്തിന്റെ നാലാം സൂപ്പര് സീരീസ് കിരീടമാണിത്.
തുടർച്ചയായി മൂന്ന് സൂപ്പർ സീരീസ് ഫൈനൽ കളിക്കുന്ന അഞ്ചാമത്തെ കളിക്കാരനെന്ന ഖ്യാതിയുമായി ചെൻ ലോങ്ങിനെ നേരിട്ട ശ്രീകാന്ത്, ഇത്തവണയും പിഴവുകളില്ലാത്ത പ്രകടനമാണ് കാഴ്ചവച്ചത്. ഫൈനലിൽ ശ്രീകാന്ത് തകർത്തുവിട്ട ചൈനീസ് താരം ചെൻ ലോങ്ങും ഈ നേട്ടം സ്വന്തമാക്കിയിട്ടുള്ള താരമാണ്. ഇന്തൊനീഷ്യയുടെ സോണി ഡ്വി കുൻകൊറൊ, മലേഷ്യയുടെ ലീ ചോങ് വീ, ചൈനയുടെ ലിൻ ഡാൻ എന്നിവരാണ് തുടർച്ചയായി മൂന്നു സൂപ്പർ സീരീസ് ഫൈനലുകളിൽ കളിച്ചിട്ടുള്ള മറ്റു താരങ്ങൾ.