ചലച്ചിത്ര താരം രജനികാന്തിന്‍റെ രാഷ്ട്രീയ പ്രവേശനം ഉടനെന്ന് ആര്‍ . എസ്. എസ് ചിന്തകന്‍ എസ്. ഗുരൂമൂര്‍ത്തി. നിലവിലെ രാഷ്ട്രീയ പാര്‍ട്ടികളില്‍ ചേരാതെ സ്വന്തം പാര്‍ട്ടി രൂപീകരിയ്ക്കുകയാകും താരം ചെയ്യുക. സെപ്റ്റംബര്‍ , ഒക്ടോബര്‍ മാസങ്ങളില്‍ നടക്കുന്ന ആരാധക സംഗമത്തിന്‍റെ രണ്ടാം ഘട്ടത്തിന് ശേഷം പ്രഖ്യാപനം ഉണ്ടാകും. അദ്ദേഹത്തിന്‍റെ പിറന്നാള്‍ ദിനമായ ഡിസംബര്‍ 12ന് പ്രഖ്യാപനം നടത്താനും ആലോചനയുണ്ട്. ഇത് സംബന്ധിച്ച അന്തിമ ചര്‍ച്ചകള്‍ നടക്കുകയാണ്. രജനിയുടെ പാര്‍ട്ടി എന്‍ഡിഎയുടെ ഭാഗമായിരിക്കുമെന്നും ഗുരുമൂര്‍ത്തി പറഞ്ഞു.
×