സ്വാശ്രയ, അൺ എയ്ഡഡ് കോളജുകളിലെ വിദ്യാർഥികൾക്ക് കെഎസ്ആർടിസി ബസുകളിൽ കൺസഷന് അർഹതയുണ്ടെന്ന് ഹൈക്കോടതി. കെഎസ്ആർടിസി മാനേജ്മെന്റിന്റെ തീരുമാനത്തിനെതിരെ എംഎസ്എഫ് സമർപ്പിച്ച ഹർജിയിലാണ് കോടതി ഇടപെട്ടത്. ഈ കോളജുകളില് നിന്നുള്ള യാത്രായിളവ് ആവശ്യമുള്ള വിദ്യാർഥികൾ ഉടനടി അപേക്ഷകൾ സമർപ്പിക്കണം. അവ പരിഗണിച്ച് ഒരു മാസത്തിനുള്ളിൽ തീരുമാനം എടുക്കണമെന്ന് കെഎസ്ആർടിസിക്ക് ഹൈക്കോടതി നിർദേശം നൽകി. സ്വാശ്രയ, അൺ എയ്ഡഡ് കോളജുകളിലെ വിദ്യാർഥികൾക്ക് കൺസഷൻ അനുവദിക്കേണ്ടെന്ന് ഈ അധ്യയനവർഷം മുതലാണ് കെഎസ്ആർടിസി തീരുമാനം എടുത്തത്.
Advertisement