റംസാന് പ്രമാണിച്ച് ദോഹയില് നിന്ന് കേരളത്തിലേക്ക് കൂടുതല് വിമാന സര്വിസുകള് നടത്തുമെന്ന് കേന്ദ്രസര്ക്കാര് . ദോഹയില് നിന്ന് തിരുവനന്തരപുരം, കൊച്ചി എന്നിവിടങ്ങളിലേക്കാണ് ഈദുല് ഫിത്തര് ദിനമായ ശനിയാഴ്ച മുതല് ജൂലൈ എട്ടുവരെ എയര് ഇന്ത്യയുടെ കൂടുതല് വിമാനങ്ങള് അനുവദിച്ചിരിക്കുന്നത്. ഇതിനായുള്ള നടപടിക്രമങ്ങള് പൂര്ത്തിയാക്കിയെന്നും വ്യോമയാനമന്ത്രാലയം വ്യക്തമാക്കി. ഖത്തര് പ്രതിസന്ധിയുടെ പശ്ചാത്തലത്തില് തിരക്ക് കൂടുമെന്നാണ് മന്ത്രാലയത്തിന്റെ വിലയിരുത്തല് . 186 യാത്രക്കാരെ വീതം ഉള്ക്കൊള്ളാന് കഴിയുന്ന വിമാനങ്ങളാണ് സര്വിസ് നടത്തുക. കൂടുതല് വിമാനങ്ങള് അനുവദിക്കണമെന്ന് ആവശ്യപ്പെട്ട് നേരത്തെ പ്രവാസി ഇന്ത്യക്കാരുടെ സംഘടന കേന്ദ്രവിദേശകാര്യമന്ത്രി സുഷമസ്വരാജിന് നിവേദനം നല്കിയിരുന്നു.
Advertisement