ഇടതു കോട്ടയായ ജവഹര്ലാല് നെഹ്റു സര്വ്വകലാശാലയില് മുഖ്യമന്ത്രി പിണറായി വിജയന്റെ കോലം കത്തിച്ച് പ്രതിഷേധം. പുതുവൈപ്പ് എല് പി ജി ടെര്മിനലിനെതിരെ സമരം ചെയ്ത സ്ത്രീകളും കുട്ടികളും അടക്കമുള്ള സമരക്കാര്ക്കെതിരെ പൊലീസ് നരനായാട്ട് നടത്തിയെന്നാരോപിച്ചാണ് എൻ എസ് യു ഐ മുഖ്യമന്ത്രിയുടെ കോലം കത്തിച്ചത്. നരേന്ദ്ര മോദി ഗുജറാത്തില് നടപ്പിലാക്കിയെന്ന് പറയപ്പെടുന്ന വികസനമാണ് പിണറായി സര്ക്കാര് കേരളത്തില് നടപ്പിലാക്കാന് ശ്രമിക്കുന്നതെന്ന് എൻ എസ് യു ഐ പറഞ്ഞു. പിണറായി സര്ക്കാരിന്റെ ഫാസിസ്റ്റ് നടപടികള്ക്കെതിരെ ശക്തമായ പ്രക്ഷോഭവുമായി മുന്നോട്ടു പോകുമെന്നും എൻ എസ് യു ഐ ജെ എന് യു ഘടകം വ്യക്തമാക്കി.
Advertisement