കോഴിക്കോട്ട് രാമനാട്ടുകര-വെങ്ങളം ബൈപാസില് മൊകവൂരിന് സമീപം പാചകവാതക ടാങ്കര് മറിഞ്ഞു. മംഗലാപുരത്തുനിന്ന് ചേളാരിയിലെ ബോട്ടിലിങ് പ്ലാറ്റിലേക്ക് പോയ ടാങ്കറാണ് അപകടത്തില്പെട്ടത് . കാറിനെ മറികടക്കാന് ശ്രമിക്കവെയാണ് അപകടം. പുലര്ച്ചയുണ്ടായ അപകടത്തില് വാതകച്ചോര്ച്ച ഉണ്ടാകാതിരുന്നത് വന്ദുരന്തം ഒഴിവാക്കി. തലകീഴായി മറിഞ്ഞ ടാങ്കര് ക്രെയിന് ഉപയോഗിച്ചാണ് ഉയര്ത്തിയത്. അപകടത്തെ തുടര്ന്ന് ബൈപ്പാസില് ഗതാഗതം പൂര്ണമായും തടസ്സപ്പെട്ടു. ലോറി ഡ്രൈവര്ക്കും ക്ലീനര്ക്കും നിസ്സാര പരുക്കേറ്റു.
Advertisement