നരേന്ദ്ര മോദി സര്‍ക്കാരിന്‍റെ മൂന്നാം വാര്‍ഷികത്തിന്‍റെ ഭാഗമായി ഇരുപതു ദിവസത്തെ പ്രചാരണ പരിപാടികള്‍ ഇന്ന് തുടങ്ങും. പ്രധാനമന്ത്രി നരേന്ദ്ര മോദി അസമിലെ ഖാനപാരയില്‍ നാലരയ്ക്ക് പ്രചാരണ പരിപാടികള്‍ ഉല്‍ഘാടനം ചെയ്യും. ജൂണ്‍ 15 വരെ രാജ്യത്തിന്‍റെ വിവിധ സ്ഥലങ്ങളില്‍ മോഡി: മേക്കിങ് ഒാഫ് ഡവലപ്ഡ് ഇന്ത്യ മേളകള്‍ നടത്തും. ബിജെപിക്കു കാര്യമായ സ്വാധീനമില്ലാത്ത മേഖലകളില്‍ പാര്‍ട്ടിയെ വളര്‍ത്തുക എന്ന ലക്ഷ്യവും ഈ പ്രചാരണ പരിപാടികള്‍ക്കുണ്ട്. വാര്‍ഷികാഘോഷ പരിപാടികളില്‍ ജനപങ്കാളിത്തം ഉറപ്പാക്കാനും വിലയിരുത്താനും വിജയിപ്പിക്കാനും ഡല്‍ഹിയില്‍ കണ്‍ട്രോള്‍ റൂം തുറന്നിട്ടുണ്ട്.
×