കശ്മീരില്‍ കല്ലേറ് തടയുന്നതിനായി അരുന്ധതി റോയിയെ സൈനിക വാഹനത്തിന് മുന്നില്‍ മനുഷ്യ കവചമാക്കണമെന്ന ബി.ജെ.പി എം.പി പരേഷ് റാവലിന്‍റെ ട്വിറ്റര്‍ പരാമര്‍ശത്തിനെതിരെ പ്രതിഷേധം ശക്തമാകുന്നു. പരാമര്‍ശം പിന്‍വലിച്ച് പരേഷ് റാവല്‍ മാപ്പുപറയണമെന്നാവശ്യപ്പെട്ട് മുതിര്‍ന്ന മാധ്യമപ്രവര്‍ത്തകരും സാഹിത്യകാരന്മാരും രംഗത്തെത്തി. കശ്മീര്‍ വിഷയത്തില്‍ അരുന്ധതി റോയിയുടെ നിലപാടുകള്‍ നേരത്തെ വിവാദത്തിന് വഴിതെളിച്ചിരുന്നു. കഴിഞ്ഞ മാസമാണ് കല്ലേറു തടയുന്നതിനായി പ്രദേശവാസിയായ യുവാവിനെ സൈന്യം ജീപ്പിന് മുന്നില്‍ മനുഷ്യകവചമാക്കിയത്.
×