പത്തനാപുരം തലവൂർ പള്ളിസെമിത്തേരിയിൽ നിന്ന് കാണാതായ വൃദ്ധയുടെ മൃതദേഹം ചാക്കിൽ കെട്ടിയ നിലയിൽ കണ്ടെത്തി. ഒന്നരമാസം മുൻപ് മരിച്ച എണ്‍പത്തെട്ടുകാരി കുഞ്ഞേലിയുടെ മൃതദേഹമാണ് കുടുംബവീടിന് പിന്നിൽ ചാക്കിൽ കെട്ടിയി നിലയിൽ കണ്ടെത്തിയത്. ഇന്ന് രാവിലെ പള്ളിസെമിത്തേരിയിലെത്തിയവരാണ് കല്ലറ ഇളക്കിയതായി സംശയം പ്രകടപ്പിച്ചത് .
തുടർന്ന് നടത്തിയ പരിശോധനയിൽ മൃതദേഹം സെമിത്തേരിയിൽ നിന്ന് കാണാതായത് ബോധ്യപ്പെട്ടത്. പൊലീസ് അന്വേഷണം ഊർജിതമാക്കിയതോടെ മൃതദേഹം ചാക്കിൽ കെട്ടിയ നിലയിൽ വീടിന് സമീപത്ത് നിന്ന്് തന്നെ കണ്ടെത്തുകയായിരുന്നു .മൃതദേഹം കല്ലറയിൽ നിന്ന് നീക്കം ചെയ്തതിനെപ്പറ്റി പൊലീസ് അന്വേഷണം ആരംഭിച്ചു. .
×