ഡെങ്കിപ്പനി വ്യാപനം തടയാന് ശക്തമായ നടപടി സ്വീകരിക്കുമെന്ന് ആരോഗ്യമന്ത്രി കെ.കെ ശൈലജ. പകർച്ചവ്യാധി മരണങ്ങൾ ഒഴിവാക്കാൻ തദ്ദേശസ്ഥാപനങ്ങളുമായി ചേർന്ന് ഒത്തൊരുമിച്ചു പ്രവർത്തിക്കണം. കാലാവസ്ഥയിലുള്ള പ്രത്യേകതകൊണ്ട് പകർച്ചവ്യാധി ഉണ്ടാകുമെന്ന സൂചന നേരത്തെ ലഭിച്ചിരുന്നു. അതുമനസിലാക്കി ആരോഗ്യവകുപ്പ് ഉണർന്നു പ്രവർത്തിക്കുന്നുണ്ട്. ശുചിത്വപരിപാലനത്തിന് ജനങ്ങള്ക്കിടയിൽ ബോധവത്കരണം ഊർജിതമാക്കുമെന്നും മന്ത്രി പറഞ്ഞു. തിരുവനന്തപുരത്ത് ഇന്ത്യൻ മെഡിക്കൽ അസോസിയേഷന്റെ ഡെങ്കിപ്പനി ബോധവൽക്കരണ സന്ദേശയാത്ര ഉദ്ഘാടനം ചെയ്ത് സംസാരിക്കുകയായിരുന്നു കെ.കെ.ശൈലജ.
Advertisement