ഗോവയിൽ നദിക്കുകുറുകെയുള്ള നടപ്പാലം തകർന്നുവീണ് മുപ്പതോളംപേരെ കാണാതായി. പനാജിയിൽനിന്നും നാൽപത് കിലോമീറ്റർ അകലെ വൈകിട്ടോടെയാണ് അപകടം. ഒരാളുടെ മൃതദേഹം കണ്ടെത്തി. ബാക്കിയുള്ളവർക്കായി പൊലീസും ഫയർഫോഴ്സുംചേർന്ന് തിരച്ചിൽ തുടരുകയാണ്. അൻപതോളംപേരാണ് അപകടത്തിൽപെട്ടതെങ്കിലും ഇതിൽ പതിനാറുപേരെ രക്ഷപെടുത്തി. എന്നാൽ ബാക്കിയുള്ളവരെക്കുറിച്ച് കൃത്യമായ വിവരം ലഭ്യമായിട്ടില്ലെന്ന് പൊലീസ് അറിയിച്ചു. ആത്മഹത്യയ്ക്കായി നദിയിൽ ചാടിയ യുവാവിനുവേണ്ടിയുള്ള രക്ഷാപ്രവർത്തനം കാണാൻ തടിച്ചുകൂടിയവരാണ് അപകടത്തിൽപെട്ടത്. പോർച്ചുഗീസ് ഭരണകാലത്ത് നിര്‍മിച്ചതാണ് അപകടത്തിൽപെട്ട നടപ്പാലം.
×