മുത്തലാഖ് വിഷയത്തില് ഭരണഘടനാപരമായ ധാര്മികത പരിശോധിക്കേണ്ട കാര്യമില്ലെന്ന് മുസ്ലിം വ്യക്തിനിയമ ബോര്ഡ് സുപ്രീംകോടതിയില്. മുത്തലാഖ് മുസ്ലിം വിശ്വാസത്തിന്റെ ഭാഗമാണ്.1400 വര്ഷമായി തുടരുന്ന വിവാഹമോചനരീതി ഭരണഘടനാ വിരുദ്ധമെന്ന് എങ്ങനെ പറയാന് കഴിയുമെന്നു ബോര്ഡിനായി ഹാജരായ കപില് സിബല് ചോദിച്ചു.
മറ്റുമതവിഭാഗങ്ങളുടെ വിശ്വാസം ചോദ്യം ചെയ്യപ്പെടാത്തിടത്തോളം മുസ്ലിം സമുദായത്തിന്റെ വിശ്വാസവും ഇഴകീറി പരിശോധിക്കാന് കഴിയില്ല. ചീഫ് ജസ്റ്റിസ് ജെ.എസ് ഖെഹാര് അധ്യക്ഷനായ അഞ്ചംഗ ഭരണഘടനാ ബെഞ്ചിലാണ് മുസ്ലിം വ്യക്തി നിയമ ബോര്ഡ് നിലപാട് വ്യക്തമാക്കിയത്.