കോഴിക്കോട് ജില്ലയിൽ ഐ.എം.എയുടെ നേതൃത്വത്തിൽ ഇന്നു ഡോക്ടർമാരുടെ പണിമുടക്ക്. ഡോക്ടറെ രോഗിയുടെ ബന്ധുക്കൾ മർദ്ദിച്ച സംഭവത്തിൽ കുറ്റക്കാരെ അറസ്റ്റുചെയ്യാത്തതിൽ പ്രതിഷേധിച്ചാണ് പണിമുടക്ക്. സർക്കാർ ഡോക്ടർമാരും സമരത്തിൽ പങ്കെടുക്കും. അത്യാഹിത വിഭാഗത്തെ സമരത്തിൽ നിന്ന് ഒഴിവാക്കിയിട്ടുണ്ടെന്ന് കെ.ജി.എം.ഒ.എ അറിയിച്ചു. രാവിലെ എട്ടു മുതൽ രാത്രി എട്ടുവരെയാണ് പണിമുടക്ക്. ഇക്കഴിഞ്ഞ 23 നാണ് വടകരയിലെ സ്വകാര്യആശുപത്രിയിൽ ഡോക്ടർക്ക് മർദനമേറ്റത്.
×