ജമ്മുകശ്മീരില്‍ സുരക്ഷാസേനയും പ്രക്ഷോഭകരും തമ്മില്‍ സംഘര്‍ഷം രൂക്ഷമായി. സംഘര്‍ഷം തുടരുന്ന പുല്‍വാമയില്‍ വിദ്യാഭ്യാസസ്ഥാപനങ്ങള്‍ക്ക് സര്‍ക്കാര്‍ അവധി നല്‍കി. പ്രക്ഷോഭം സംഘടിപ്പിക്കുന്നതിനായി യുവാക്കളുടെ നേതൃത്വത്തില്‍ മുന്നൂറോളം വാട്സ്് ആപ് ഗ്രൂപ്പുകള്‍ പ്രവര്‍ത്തിച്ചിരുന്നതായും ഇതില്‍ 90 ശതമാനവും മരവിപ്പിച്ചതായും പൊലീസ് വ്യക്തമാക്കി. കലാപത്തിന് ആഹ്വാനം ചെയ്യുന്ന സന്ദേശങ്ങള്‍ പ്രചരിക്കുന്നതിനാല്‍ ഇന്‍റര്‍നെറ്റ് സേവനം സര്‍ക്കാര്‍ വീണ്ടും നിര്‍ത്തലാക്കി. സമരക്കാര്‍ക്കുനേരെ പെല്ലറ്റ് തോക്കുകള്‍ ഉപയോഗിക്കുന്നതില്‍ നിയന്ത്രണം വേണമെന്ന് സുരക്ഷാസേനയ്ക്ക് കേന്ദ്രആഭ്യന്തരമന്ത്രാലയം നിര്‍ദേശം നല്‍കി. ഒരാഴ്ചയായി തുടരുന്ന പ്രക്ഷോഭത്തില്‍ സുരക്ഷാസൈനികര്‍ക്കും പ്രക്ഷോഭകര്‍ക്കും ഗുരുതരമായി പരുക്കേറ്റിരുന്നു.
×