അണ്ണാ ഡിഎംകെയിലെ ലയനത്തിനായി പനീർസെൽവം പക്ഷത്തിന്റെ ആവശ്യങ്ങളോട് മുഖ്യമന്ത്രി പളനിസാമിയും കൂട്ടരും വഴങ്ങുന്നു. ഒ പി എസ് വിഭാഗത്തിന്റെ ആവശ്യങ്ങൾ അനുഭാവപൂർവം പരിഗണിക്കുമെന്നും ചർച്ച തുടരുമെന്നും പളനിസാമി വിഭാഗത്തിലെ പ്രമുഖ നേതാവും രാജ്യസഭാ അംഗവുമായ വൈദ്യലിംഗം പറഞ്ഞു. ജയലളിതയുടെ മരണത്തെക്കുറിച്ച് സി ബി ഐ അന്വേഷണം നടത്തണം, ശശികലയും ദിനകരനും രാജി വെക്കണം എന്നീ ആവശ്യങ്ങൾ ഒ പി എസ് വിഭാഗം ഉന്നയിച്ചതോടെ ചർച്ചകൾ വഴിമുട്ടിയ സാഹചര്യത്തിലാണ് ഇ പി എസ് വിഭാഗത്തിലെ നേതാക്കൾ ഇടപെട്ടത്. പളനിസാമി വിഭാഗം നിലപാട് മയപ്പെടുത്തിയതിനാൽ ലയനവുമായി ബന്ധപെട്ട് ഇന്നും തുടർച്ചർച്ചകൾ ഉണ്ടാകുമെന്നാണ് സൂചന.
×