സംസ്ഥാനത്ത് എന്‍.ഡി.എ വിപുലീകരണത്തിനായുള്ള പ്രവര്‍ത്തനം ഉൗര്‍ജിതമാക്കാന്‍ ദേശീയ അധ്യക്ഷന്‍ അമിത് ഷായുടെ നിര്‍ദേശം. ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍റെ നേതൃത്വത്തിലുള്ള കേരള നേതാക്കളുമായി നടത്തിയ കൂടിക്കാഴ്ചയിലാണ് നിര്‍ദേശം. പ്രവര്‍ത്തനങ്ങള്‍ ഏകോപിപ്പിക്കാനായി അമിത് ഷാ ജൂലായ് 25, 26, 27 തീയതികളില്‍ കേരളത്തിലെത്തും. എന്നാല്‍ നിലവില്‍ ഒരുപാര്‍ട്ടിയുമായും ചര്‍ച്ച നടത്തിയിട്ടില്ലെന്ന് കുമ്മനം രാജേശഖരന്‍ പറഞ്ഞു. മലപ്പുറത്തെ മോശം പ്രകടനത്തെത്തുടര്‍ന്ന് സംസ്ഥാനനേതൃനിരയില്‍ ഭിന്നതയുണ്ടായെന്ന ആരോപണം മാധ്യമസൃഷ്ടിയാണെന്നും കുമ്മനം ഡല്‍ഹിയില്‍ പറഞ്ഞു
×