സിറിയയില്‍ അഭയാര്‍ഥികളേയും രോഗികളേയും കൊണ്ടുപോയ വാഹനവ്യൂഹത്തിനുനേരെയുണ്ടായ ചാവേറാക്രമണത്തില്‍ ഒട്ടേറെപ്പേര്‍ കൊല്ലപ്പെട്ടു. സിറിയയില്‍ പ്രവര്‍ത്തിക്കുന്ന ബ്രിട്ടീഷ് മനുഷ്യാവകാശ സംഘടന പതിനാറ് മരണം സ്ഥിരീകരിച്ചു. എഴുപതുബസുകള്‍ ഉള്‍പ്പെട്ട വാഹനവ്യൂഹത്തിനുമുന്നിലാണ് ചാവേര്‍ പൊട്ടിത്തെറിച്ചത്. റോഡില്‍ മൃതദേഹങ്ങള്‍ ചിതറിക്കിടക്കുകയാണെന്ന് സിറിയന്‍ സേനാവൃത്തങ്ങള്‍ അറിയിച്ചു. രണ്ട് ഷിയാ ഗ്രാമങ്ങളില്‍ നിന്നുള്ളവരാണ് ബസുകളില്‍ ഉണ്ടായിരുന്നത്. സുരക്ഷയ്ക്കായി ഒപ്പം പോയ വിമതപോരാളികളും കൊല്ലപ്പെട്ടവരില്‍പ്പെടുന്നു.
×