കായംകുളം കറ്റാനം വെള്ളാപ്പള്ളി നടേശന് എന്ജിനീയറിങ് കോളജില് വിദ്യാര്ഥി ആത്മഹത്യക്കു ശ്രമിച്ച കേസ് ജില്ലാ ക്രൈംബ്രാഞ്ചിന് വിട്ടു . അന്വേഷണത്തില് ലോക്കല് പൊലീസ് വീഴ്ചവരുത്തിയതിനെ തുടര്ന്നാണ് നടപടി. ആത്മഹത്യക്കുശ്രമിച്ച രണ്ടാംവര്ഷ വിദ്യാര്ഥിയുടെ മൊഴിയെടുക്കാന് വള്ളികുന്നം സ്റ്റേഷനിലെ ഉദ്യോഗസ്ഥര് പോയത് കോളജിന്റെ ഉടമകൂടിയായ സുഭാഷ് വാസുവിന്റെ കാറിലായിരുന്നു .
തുടര്ന്ന് രണ്ടു പൊലീസുകാര്ക്കെതിരെ അച്ചടക്ക നടപടിയുണ്ടായി. അതിനുപിന്നാലെയാണ് എസ്എഫ്ഐ പ്രവര്ത്തകര് കോളജ് അടിച്ചുതര്ത്തത്. വിദ്യാര്ഥി സംഘടനയെ തടയാന് പൊലീസിനു കഴിഞ്ഞില്ലെന്നതും തിരിച്ചടിയായി. ഈ പശ്ചാത്തലത്തിലാണ് കേസന്വേഷണം ജില്ലാ ക്രൈംബ്രാഞ്ചിന് കൈമാറിയത്. അതേസമയം കോളജ് തല്ലിതകര്ത്തതിന് മുന്നൂറ് എസ്.എഫ്.ഐ പ്രവര്ത്തകര്ക്കെതിരെ കേസെടുത്തിട്ടുണ്ട്. വിഷയത്തില് ഇടപെടുന്നതിന്റെ ഭാഗമായി എസ്എന്ഡിപി യോഗം മാവേലിക്കര യൂണിയന്റെ നേതൃത്വത്തില് കോളജ് സംരക്ഷണ സമിതി രൂപീകരിച്ചു.