കണ്ണൂരിലെ പുലി കാട്ടാക്കടയിൽ കൂട്ടിലായി.നാട്ടുകാരെ വിറപ്പിച്ച പുലിയെ ഇന്നലെ രാത്രിയോടെയാണ് തിരുവനന്തപുരം നെയ്യാർ ഡാം ലയൺസ് സഫാരി പാർക്കിലെത്തിച്ചത്.
കരിക്കുംവെള്ളവും കുടിച്ച് മന്ത്രിയും പരിവാരങ്ങളും അവനെ കാത്തിരുന്നു.മറ്റൊരിടത്ത് മൂന്നുപേർ തകൃതിയായി വഴിയൊരുക്കി.കൃത്യം 7.30ന് അവനെത്തി.കണ്ണൂരിലെ പുലി.ഏഴുവയസേയുള്ളു.പക്ഷേ മന്ത്രിയോടുപോലും തെല്ലും ബഹുമാനമില്ല.കട്ടക്കലിപ്പ്. അവന്റെ അരിശം തീർക്കാൻ കൂട്ടുകാരെ ഉടനെത്തിക്കാമെന്ന് മന്ത്രിയുടെ ഉറപ്പ് ഇനിയെന്തായാലും കുറച്ചുകാലം കണ്ണൂരിലെ പുലി കാട്ടാക്കടയിലെ കൂട്ടിലുണ്ടാകും.