കനത്തമഴയില്‍ ശബരിമല തീർഥാടനപാതയിൽ പ്ലാപ്പള്ളിക്കുസമീപം റോഡിന്റെ സുരക്ഷാഭിത്തി ഇടിഞ്ഞു. നൂറുകണക്കിന് വാഹനങ്ങള്‍പോകുന്ന റൂട്ടില്‍ അപകടസാധ്യതയുമേറി
സംരക്ഷണഭിത്തിയുടെ ഇരുപതുമീറ്റർ ഭാഗമാണ് ഇടിഞ്ഞത്. റോഡ് വിണ്ടുകീറി. ഇരുവശത്തേയും മണ്ണ് ഇളകിമാറിക്കിടക്കുന്നതിനാൽ ഈ ഭാഗത്ത് അപകടസാധ്യതയും വർധിച്ചു. കഴിഞ്ഞദിവസമുണ്ടായ കനത്തമഴയിലാണ് സംരക്ഷണഭിത്തി ഇടിഞ്ഞത്. ദിവസേന നൂറുകണക്കിന് വാഹനങ്ങളാണ് ഈ വഴി പോകുന്നത്. ശബരിമല സീസൺ ആരംഭിക്കാൻദിവസങ്ങൾ മാത്രം അവശേഷിക്കെ റോഡിന്റെ തകർന്നഭാഗം നന്നാക്കാനുള്ള നടപടി ആരംഭിച്ചിട്ടുപോലുമില്ല. അപകടസൂചനയായി ഒരുബോർഡുപോലും അധികൃതർ സ്ഥാപിച്ചിട്ടില്ല.
×