പത്തനംതിട്ട ഇരവിപേരൂരില്‍ സര്‍ക്കാര്‍ സ്കൂളിനുനേരെ സാമൂഹ്യവിരുദ്ധരുടെ ആക്രമണം. ക്ലാസ് മുറികളിലെ ഉപകരണങ്ങളും പഠനോപാധികളും അക്രമികള്‍ നശിപ്പിച്ചു. തിരുവല്ല പൊലീസ് കേസെടുത്ത് അന്വേഷണം തുടങ്ങി.
ഇരവിപേരൂര്‍ സര്‍ക്കാര്‍ എല്‍.പി. സ്കൂളിലാണ് സാമൂഹ്യവിരുദ്ധരുടെ ആക്രമണമുണ്ടായത്. പ്രീപ്രൈമറി വിഭാഗത്തിലെ കുട്ടികള്‍ക്കുള്ള കളിപ്പാട്ടങ്ങള്‍ , വിദ്യാര്‍ഥികള്‍ തയാറാക്കിയിരുന്ന ചാര്‍ട്ടുകള്‍ , മറ്റ് പഠനോപകരണങ്ങള്‍ എന്നിവയെല്ലാം അക്രമികള്‍ നശിപ്പിച്ചു. ഉച്ചഭക്ഷണത്തിനായി സൂക്ഷിച്ചിരുന്ന ധാന്യവും വാരി നിലത്ത് വിതറിയിട്ടു. രണ്ടുദിവസത്തെ അവധിക്കുശേഷം സ്കൂള്‍ തുറന്നപ്പോഴാണ് സംഭവം പുറത്തറിയുന്നത്.
സ്കൂളിനുനേരെ നടന്ന ആക്രമണത്തില്‍ പ്രതിഷേധം ശക്തമാണ്. സ്കൂളിന് ചുറ്റുമതില്‍ ഇല്ലാതിരുന്നപ്പോള്‍പ്പോലും ഇത്തരത്തിലുള്ള സംഭവങ്ങള്‍ ഉണ്ടായിട്ടില്ലെന്ന് നാട്ടുകാര്‍ പറയുന്നു.
