അസൗകര്യങ്ങളിൽ വീർപ്പുമുട്ടി ആറൻമുളയിലെ വാസ്തുവിദ്യ ഗുരുകുലത്തിലെ ചുവർച്ചിത്രകല പഠനകേന്ദ്രം. പാരമ്പര്യരീതിയിൽ ചിത്രമൊരുക്കുന്ന കേരളത്തിലെ ഏക ചുമർചിത്രകലാപാഠശായിൽ ചിത്രങ്ങൾ സൂക്ഷിക്കാൻ പോലും ഇടമില്ല. വാങ്ങാൻവരുന്നവർ ചിട്ടയില്ലാതെ കൂട്ടിയിട്ടിരിക്കുന്നചിത്രങ്ങളിൽ അസന്തുഷ്ടി പ്രകടിപ്പിച്ച് മടങ്ങുന്നു.
അസൗകര്യങ്ങൾക്കു നടുവിലാണെങ്കിലും കലാകാരൻമാർ മികവുറ്റചിത്രങ്ങൾ വരയ്ക്കുന്നുണ്ട്. എന്നാൽ പ്രദർശിപ്പിക്കാനും സൂക്ഷിക്കാനും ഇടിമില്ലാത്തതിനാൽ ചിത്രങ്ങളുടെ ഭംഗിആസ്വദിക്കാൻ ആർട് ഗ്യാലറിയിലെത്തുന്നവർക്ക് കഴിയുന്നില്ല. പാരമ്പര്യ രീതിയിൽ നിറമൊരുക്കിയാണ് ചിത്രമെഴുത്ത്. ഈ രീതിയിൽ ചുമർചിത്രമൊരുക്കുന്ന കേരളത്തിലെ ഏകകേന്ദ്രങ്ങളിൽ ഒന്നുമാണിത്.
കലാകേന്ദ്രത്തിൽ പഠിക്കാനെെത്തുന്ന വിദ്യാർഥികളും അസൗകര്യങ്ങളിൽ അസംതൃപ്തരാണ്. സൂക്ഷിക്കാൻ ഇടമില്ലാത്തതിനാൽ നശിക്കുന്നത് ലക്ഷങ്ങൾവിലമതിക്കുന്ന ചിത്രങ്ങൾമാത്രമല്ല, പാരമ്പര്യം കൂടിയാണ്.