സംസ്ഥാനത്ത് നിക്ഷേപസൗഹൃദഅന്തരീക്ഷം ഉണ്ടാക്കാനുള്ള നിയമനിർമാണത്തിലേക്കാണ് സർക്കാർ നീങ്ങുന്നതെന്ന് വ്യവസായമന്ത്രി എ.സി.മൊയ്തീൻ. സ്വകാര്യസംരംഭകർ ഭൂമിനൽകിയാൽ അടിസ്ഥാന സൗകര്യം ഒരുക്കിനൽകാൻ സർക്കാർ തയാറാണെന്നും അദ്ദേഹം പറഞ്ഞു. തിരുവനന്തപുരം വേളിയിൽ
ബഹുനില വ്യവസായ സമുച്ചയത്തിന്റെ ശിലാസ്ഥാപനം നടത്തുകയായിരുന്നു മന്ത്രി. വേളി വ്യവസായഏരിയയിൽ 141 സെന്റ് ഭൂമിയിലാണ് വ്യവസായ സമുച്ചയം ഒന്നാംഘട്ടത്തിന്റെ നിർമാണം നടത്തുന്നത്.
43,538 ചതുരശ്രയടി വിസ്തീർണത്തിലാണ് സമുച്ചയത്തിന്റെ നിർമാണം. പത്തുകോടി രൂപയാണ് പദ്ധതി തുക. കുറഞ്ഞത് 75 വ്യവസായ സംരഭങ്ങൾക്ക് സൗകര്യപ്പെടുന്നതരത്തിലാണ് പദ്ധതിവിഭാവനം ചെയ്തിരിക്കുന്നത്. ചടങ്ങിൽ മന്ത്രി കടകംപള്ളി സുരേന്ദ്രൻ അധ്യക്ഷനായി.