പുതുതലമുറ ക്രിക്കറ്റർമാർക്കൊപ്പം കളിച്ചും സംവദിച്ചും ക്രിക്കറ്റ് താരം സഞ്ജു.വി.സാംസൺ. തിരുവനന്തപുരം ഗ്രിൻഫീൽഡ് സ്റ്റേഡിയത്തിൽ നടന്ന ചടങ്ങിലാണ് സഞ്ജു പുതിയവർക്ക് പാഠങ്ങൾ നൽകിയത്. കുറുക്കുവഴികളല്ല വിജയത്തിലേയ്ക്കുള്ള എളുപ്പവഴി കഠിന്വാദ്ധ്വാനമാണെന്ന് സഞ്ജു ഓർമിപ്പിച്ചു.
സഞ്ജു.വി. സാംസനോട് ഒരുപാട് ചോദിക്കാനുണ്ടായിരുന്നു പുതുതലമുറയ്ക്ക്. ഓരോന്നിനും മറുപടി പറഞ്ഞ് സഞ്ജുവും. തുടർന്ന് താരത്തിനൊപ്പം കുഞ്ഞുതാരങ്ങൾ സെൽഫിയ്ക്കായി നിരന്നു. കുട്ടികൾക്കു സന്തോഷം പകർന്ന് അൽപനേരം കളിക്കളത്തിലും സഞ്ജുസമയം ചെലവിട്ടു.
×