കല്ലിലും സിമന്റിലും ശിൽപങ്ങൾ മെനഞ്ഞ് ശ്രദ്ധേയനായ കലാകാരനാണ് കോഴിക്കോട് പൊയിൽക്കാവ് സ്വദേശി ഷാജി. പരസ്യകലാരംഗത്തുനിന്നാണ് ഷാജി ശിൽപനിർമാണത്തിലെത്തിയത ്.
ഈ തൂണുകളിലൊക്കെയും പ്രതിഭാധനനായ ഒരു കലാകാരന്റെ വിരൽസ്പർശം പ്രകടമാണ്. അഷ്ടലക്ഷ്മിമാരും ദ്വാരപാലകരും വ്യാളീമുഖവും കരവിരുതിന്റെ നല്ല മാതൃകകളാണ്. കേരളീയ, കർണാടകചുമർചിത്രകലാശൈലികൾ സമന്വയിപ്പിച്ചാണ് ശിൽപനിർമാണം.സിമന്റും പൂഴിയുമാണ് പ്രധാന മാധ്യമം.
ശിൽപമാതൃകകൾ കടലാസിൽ അക്രിലിക് കൊണ്ട് പൂർത്തിയാക്കിയശേഷമാണ് സിമന്റിൽ ചെയ്യുക. ബഹ്റിൻ, ദുബൈയ് തുടങ്ങിയ രാജ്യങ്ങളിലും ഈ കലാവൈഭവം കടന്നെത്തിയിട്ടുണ്ട്.
ഇരുപത് വർഷത്തിലധികമായി ഷാജി ശില്പനിർമാണരംഗത്തുണ്ട്.ആയിരത്തിലധികം ശിൽപങ്ങൾ പൂർത്തിയാക്കി..കോഴിക്കോട്ടെ കലാകാരൻമാരെ ചേർത്ത് ശില്പമുദ്ര എന്ന പേരിൽ കൂട്ടായ്മക്കും രൂപം നൽകിയിട്ടുണ്ട് ഷാജി.