പ്ലാൻറ് അറ്റൻഡർ തസ്തികയ്ക്ക് എഴുത്തുപരീക്ഷയും കായികക്ഷമതാപരീക്ഷയും നടത്തി മാസങ്ങൾ പിന്നിട്ടിട്ടും മിൽമയിൽ നിയമനമായില്ല. ആയിരത്തി അഞ്ഞൂറോളം പേരാണ് നിയമനം കാത്തിരിക്കുന്നത്.
കഴിഞ്ഞ ഡിസംബറിലാണ് മലബാറിലെ വിവിധ ജില്ലകളിൽ നിന്നുള്ളവർ പരീക്ഷ എഴുതിയത്. നാല് ഘട്ടങ്ങളിലായിട്ടായിരുന്നു കായിക്ഷമതാ പരീക്ഷ. നാല് മാസമായിട്ടും നിയമനലിസ്റ്റായില്ല.
ക്ഷീരവികസന വകുപ്പ് ഡയറക്ടറുടെ ഉത്തരവു പ്രകാരമാണ് നിയമനങ്ങൾ തടഞ്ഞുവച്ചതെന്നാണ് മിൽമ അധികൃതരുടെ വിശദീകരണം.