ചക്കയോട് ഇഷ്ടം കൂടിയ ഡാഷ് ഹണ്ട് ഇനത്തിൽ പെട്ട നായയുണ്ട് കാസർകോട് തൃക്കരിപ്പൂരിൽ. തൃക്കരിപ്പൂർ നടക്കാവിലെ കുത്തോട്ടുങ്കൽ വർഗീഷിന്റെ വീട്ടിലെ ചക്ക പ്രിയങ്കരിയുടെ വിശേഷങ്ങളാണ് ഇനി.
ചക്കയുെട മഹാത്മ്യം മലയാളി മാത്രമല്ല മനസിലാക്കിയിട്ടുള്ളത്. മലയാള നാട്ടിൽ വിരുന്നെത്തിയ ഈ നായ പോലും ചക്കയുടെ ആരാധകയാണ്. വെറും ആരാധകയല്ല നടക്കാവിലെ വർഗീസിന്റെ വീടിന് സമീപത്ത് ഏത് പ്ലാവില്‍ ചക്ക പഴുത്താലും മിക്കിയെന്ന ഈ ഡാഷ് ഹണ്ട് നായ അറിയും. ചക്ക അകത്താക്കുന്നത് വരെ മിക്കിക്ക് ആകെ ഒരു വെപ്രാളമാണ്.
അടുത്തിടെ ആറു പെറ്റ മിക്കിയുടെ ആരോഗ്യത്തിന്റെ രഹസ്യവും ചക്കയാണെന്നാണ് വർഗീസും കുടുംബവും പറയുന്നത്. ചക്കകളിൽ വരിക്കചക്കയോടാണ് മിക്കിക്ക് ഏറെ ഇഷ്ടം.
×