തളിപ്പറമ്പ്∙ കിണർ വൃത്തിയാക്കാനിറങ്ങി തിരിച്ചുകയറാനാകാതെ കുടുങ്ങിയ മധ്യവയസ്കനെ അഗ്നിശമനസേന രക്ഷപ്പെടുത്തി. പട്ടുവം മുറിയാത്തോട് മാധവനഗർ പി.സി.തോമസാണ് (45) വീടിനു സമീപത്തെ കിണർ വൃത്തിയാക്കാനിറങ്ങി തിരിച്ചുകയറാനാകാതെ അവശനായത്. ഇന്നലെ വൈകിട്ടാണ് സംഭവം.
നാട്ടുകാർ ഏറെ നേരം ശ്രമിച്ചിട്ടും തോമസിനെ കിണറ്റിൽ നിന്നു കരയ്ക്കു കയറ്റാനായില്ല. വിവരമറിഞ്ഞു സ്ഥലത്തെത്തിയ തളിപ്പറമ്പ് അഗ്നിശമനസേനയുടെ നേതൃത്വത്തിൽ കിണറിലേക്കു വലയിറക്കി കൊടുത്തു തോമസിനെ കരയ്ക്കു കയറ്റുകയായിരുന്നു.