ഇനി കാണാന് പോകുന്നത് ചില തെറ്റാത്ത കണക്കുകൂട്ടലുകളാണ്. ഏവരും പേടിക്കുന്ന കണക്കിനെ വരുതിയിലാക്കിയ ഒരു ആലപ്പുഴക്കാരന്. ലിംക ബുക്കില് എത്തിനില്ക്കുന്നു വിവേക് രാജിന്റെ പ്രകടനം.
മെന്റല് മാത്സ്, അങ്ങനെയാണ് ഈ കണക്കുകൂട്ടലിന്റെ പേര്. ഏഴാം വയസില് ആരംഭിച്ച പരിശീലനം വിവേക് ഇപ്പോഴും തുടരുന്നു. കണക്ക് എങ്ങനെ എളുപ്പത്തില് പഠിക്കാമെന്ന് സ്കൂള് കോളജ് വിദ്യാര്ഥികള്ക്കും അധ്യാപകര്ക്കും പരിശീലനം നല്കാറുമുണ്ട്. മകന് കാല്ക്കുലേറ്റര് നല്കിയപ്പോള് ഒരിക്കലും ഇത്തരത്തിലൊരു ഭാവി പ്രതീക്ഷിച്ചിരുന്നില്ലെന്ന് പിതാവ്
മല്സര പരീക്ഷകളിലെ കണക്കുകള്ക്ക് എളുപ്പത്തില് എങ്ങനെ ഉത്തരം കണ്ടെത്താമെന്നതും വിവേകിനറിയാം. അതുകൊണ്ടുതന്നെ അത് പഠിക്കാന് നിരവധിപേരെത്താറുണ്ട്. രണ്ട് ലിംക റെക്കോര്ഡുകള് വീട്ടില് ഇടം നേടിക്കഴിഞ്ഞു.