മാലിന്യങ്ങളില് നിന്ന് സംസ്ഥാനത്തെ നദികളെ രക്ഷിക്കണമെന്ന ആവശ്യവുമായി നാല്പത്തിനാല് മീറ്റർ നീളമുള്ള നിവേദനവുമായി കർഷകന്. ആലപ്പുഴ മാന്നാർ സ്വദേശിയായ കർഷകനാണ് നിവേദനം തയാറാക്കിയത്.
നാല്പത്തിനാല് മീറ്റർ ദൈര്ഘ്യത്തിലുള്ള ഈ വെള്ള റിബണ് ഒരു നിവേദനമാണ്. മാന്നാർ സ്വദേശിയായ പി.എന്.നെടുവേലിയെന്ന കർഷകന് തയാറാക്കിയ നിവേദനം. ആവശ്യം വളരെ വ്യക്തമാണ്. മാലിന്യത്താല് വീർപ്പുമുട്ടുന്ന സംസ്ഥാനത്തെ 44 നദികളെയും സംരക്ഷിക്കണം. അതിനായി സംസ്ഥാനത്തെ മുഴുവന് എം.എല്.എമാർക്കുമാണ് ഈ നിവേദനം.
44 നദികളെയും പ്രതിനിധീകരിക്കുന്നതിനാണ് 44 മീറ്റർ ദൈർഘ്യമുള്ള റിബണില് രണ്ടുദിവസംകൊണ്ട് നിവേദനം തയാറാക്കിയത്.