രൂപകല്‍പന രംഗത്തെ പ്രതിഭകള്‍ക്ക് ആദരമൊരുക്കി "വനിത വീട്". ആര്‍ക്കിടെക്ചര്‍ മേഖലയില്‍ മികവു തെളിയിച്ചവര്‍ക്കായി ഏര്‍പ്പെടുത്തിയ "വനിത വീട്"
പുരസ്കാരങ്ങള്‍ കൊച്ചിയില്‍ സമ്മാനിച്ചു. ഇരുന്നൂറിലധികം ആര്‍ക്കിടെക്റ്റുകൾ പങ്കെടുത്ത മല്‍സരത്തില്‍ നിന്നാണ് രൂപകല്‍പന രംഗത്തെ പ്രതിഭകളെ
തിരഞ്ഞെടുത്തത്. ബെസ്റ്റ് ഹോസ്പിറ്റാലിറ്റി പുരസ്കാരം ബ്രിജേഷ് ഷൈജലും,വാണിജ്യ നിര്‍മിതിക്കുളള പുരസ്കാരം മുഹമ്മദ് അഫ്നാനും നേടി.
ഹോം.സ്പേസ്,റിനവേറ്റഡ് ഹൗസ്,ഇന്‍റീരിയര്‍ , വിഭാഗങ്ങളില്‍ ആദില്‍ സലിം,സമീത് പുറക്കണ്ടി,പി.കെ.ഹഫീഫ്,സൂര്യ പ്രശാന്ത് എന്നിവര്‍ ജേതാക്കളായി. യങ്
ആര്‍ക്കിടെക്റ്റ് പുരസ്കാരം എം.എം.ഹമീദ്.പി.െക.ഹഫീഫ് ടീമും സ്വന്തമാക്കി.. പ്രമുഖ ആർക്കിടെക്റ്റുമാരായ രാജീവ് കത്പാലിയ, മധുര പ്രേമതിലകെ,
എം.കെ.പ്രശാന്ത്, ഡോ.മനോജ് കിനി എന്നിവർ ഉൾപ്പെട്ട ജൂറിയാണു ജേതാക്കളെ നിശ്ചയിച്ചത്. തിരഞ്ഞെടുക്കപ്പെട്ട കെട്ടിടങ്ങളുടെ ഫോട്ടോ പ്രദര്‍ശനവും പുരസ്കാര നിശയുടെ ഭാഗമായി ഒരുക്കിയിരുന്നു.
