കണാതായ ദമ്പതികൾ സഞ്ചരിച്ചിരുന്ന കാർ 15–ൽകടവ് പാണംപടിക്കു സമീപം ആറ്റിൽ ഉള്ളതായ സംശയത്തെത്തുടർന്നു പൊലീസും ഫയർ ഫോഴ്സും തിരച്ചിൽ നടത്തിയെങ്കിലും ഒന്നും കണ്ടെത്തനായില്ല. ഒരാഴ്ച മുൻപാണ് അറുപറ ഒറ്റക്കണ്ടത്തിൽ ഹാഷിം (42), ഭാര്യ ഹബീബ (37) എന്നിവരെ കാണാതായത്. ഇന്നലെ സന്ധ്യയോടെ ആറ്റിൽ വലയിട്ടപ്പോൾ എന്തോ തടഞ്ഞതായും വെള്ളത്തിൽ പെട്രോൾ ഉയർന്നു വന്നതായും നാട്ടുകാർ അറിയിച്ചതിനെത്തുടർന്നു പൊലീസും ഫയർ ഫോഴ്സും എത്തി തിരച്ചിൽ നടത്തുകയായിരുന്നു.
ഹാഷിമും ഹബീബയും അറുപറയിൽ നിന്നു കാറിൽ സഞ്ചരിച്ചു ഇല്ലിക്കൽ പാലം കഴിഞ്ഞു വലത്തോട്ട് തിരിയുന്നതായുള്ള ദൃശ്യം പൊലീസിനു ലഭിച്ചെങ്കിലും മറ്റു തെളിവുകളൊന്നും ഇനിയും ലഭിച്ചിട്ടില്ല. ഹാഷിമിന്റെ വീട്ടിൽ കഴിഞ്ഞ ദിവസം മുൻ മുഖ്യമന്ത്രി ഉമ്മൻ ചാണ്ടിയും തിരുവഞ്ചൂർ രാധാകൃഷ്ണൻ എംഎൽഎയും എത്തി. ഹാഷിമിനെയും ഭര്യ ഹബീബയെയും കണ്ടെത്തണമെന്നാവശ്യപ്പെട്ടു നാട്ടുകാർ ആക്ഷൻ കൗൺസിൽ രൂപീകരിക്കാനുള്ള ശ്രമത്തിലാണ്.