ഇന്ത്യാ വിഭജനം പശ്ചാത്തലമാക്കി ഹോളിവുഡ് ചിത്രം എത്തുന്നു. വൈസ്റോയ്സ് ഹൌസ് എന്ന് പേരിട്ടിക്കുന്ന സിനിമയുടെ ട്രെയിലര് എത്തി. 1947ലെ ഇന്ത്യ പാക്കിസ്ഥാന് വിഭജനമാണ് സിനിമയ്ക്ക് പശ്ചാതലമാക്കുന്നത്. ഈ കാലഘട്ടത്തില് വൈസ്റോയ്സ് ഹൌസില് അരങ്ങേറുന്ന സംഭവങ്ങളിലൂടെയും രാഷ്ട്രീയ നീക്കങ്ങളിലൂടെയും സിനിമ കഥ പറയുന്നു. ഇന്ത്യക്കാരായ രണ്ടുപേരിലൂടെയാണ് കഥയുടെ അവതരണം. ജവഹര്ലാല് നെഹ്റുവും, മഹത്മാ ഗാന്ധിയും എല്ലാം വീണ്ടും ഈ ചിത്രത്തിലൂടെ വെള്ളിത്തിരിയിലെ കഥാപാത്രങ്ങളാകുന്നു.
ബ്രിട്ടീഷ് ഇന്ത്യന് പ്രൊഡക്ഷനായാണ് സിനിമ എത്തുന്നത്. ഗുരീന്തര് ചദ്ദയാണ് സിനിമ സംവിധാനം ചെയ്തിരിക്കുന്നത്. എ.ആര്.റഹ്മാനാണ് സംഗീതം ഒരുക്കിയിരിക്കുന്നത്. ശക്തമായ രാഷ്ട്രീയ ചര്ച്ചകളിലേക്ക് വഴിവെയ്ക്കുന്ന സിനിമ വിവാദങ്ങള്ക്ക് തുടക്കമിടാനും സാധ്യതയുണ്ട്. 2017 മാര്ച്ചിലാണ് സിനിമയുടെ ആദ്യഘട്ട റിലീസ് തീരുമാനിച്ചിരിക്കുന്നത്.