പ്രേമം എന്ന മലയാള സിനിമയിലൂടെ ശ്രദ്ധ നേടിയ അനുപമ പരമേശ്വരന്റെ തെലുങ്ക് ചിത്രം തീയേറ്ററുകളിലേക്ക്. ശതമാനം ഭവതി എന്ന് പേരിട്ടിരിക്കുന്ന ചിത്രത്തിന്റെ ട്രെയിലര് പുറത്ത് വന്നു. ജനുവരി 14നാണ് റിലീസ്.
പ്രണയത്തിന് പ്രധാന്യമുള്ള ഒരു കുടുംബ ചിത്രമാണ് ശതമാനം ഭവതി. തെലുങ്ക് യുവതാരം ഷര്വന്ദാണ് നായക വേഷത്തില്. വിഗ്നേശ സതീഷാണ് സിനിമ സംവിധാനം ചെയ്യുന്നത്.
മിക്കി ജെ മേയര് ഒരുക്കിയ സിനിമയിലെ പാട്ടുകളെല്ലാം ഹിറ്റ് ചാര്ട്ടില് ഇടം നേടിയിട്ടുണ്ട്. പ്രകാശ് രാജ്, ജയസുധ എന്നിവരാണ് സിനിമയിലെ മറ്റ് കഥാപാത്രങ്ങളാകുന്നത്. പ്രേമത്തിന് ശേഷം വളരെ പെട്ടന്ന് തന്നെ തെലുങ്കിലേക്ക് ചുവട് മാറ്റുകയായിരുന്നു അനുപമ. പ്രേമത്തിന്റെ തെലുങ്ക് പതിപ്പ് ശ്രദ്ധ നേടിയതോടെ കൂടുതല് അവസരങ്ങളും ലഭിച്ചു. തമിഴ് ചിത്രം കൊടിയിലും മികച്ചൊരു കഥാപാത്രം അനുപമയ്ക്ക് ലഭിച്ചിരുന്നു.
ശതമാനം ഭവതി വലിയ വിജയം സ്വന്തമാക്കിയാല് തമിഴ് തെലുങ്ക് ചിത്രങ്ങളില് ഇനിയും തിളങ്ങാന് അനുപമയ്ക്കാകും