എന്റമ്മേടെ ജിമ്മിക്കി കമ്മല് എന്റപ്പൻ കട്ടോണ്ട് പോയെ എന്ന പാട്ട് ആദ്യമായി കേട്ടപ്പോൾ ഇത് എന്തോരു പാട്ടാണപ്പാ എന്നു ചിന്തിച്ചവരൊക്കെ അറിയാതെ തന്നെ ഈ പാട്ടു കേൾക്കുമ്പോൾ താളം പിടിക്കാൻ തുടങ്ങി. കേൾവിക്കാരിൽ ആവേശം നിറക്കുന്ന വരികളും സംഗീതവുമാണ് ഈ പാട്ടിനെ വേറിട്ടതാക്കുന്നത്. അനില് പനച്ചൂരാന്റെ വരികള്ക്ക് ഷാന് റഹ്മാന് ഈണം പകര്ന്ന് വിനീത് ശ്രീനിവാസനും രഞ്ജിത് ഉണ്ണിയും ചേര്ന്നാണ് ഗാനം ആലപിച്ചിരിക്കുന്നത്. ഒരു കോടിയിൽ പരം ആളുകളാണ് ഇതുവരെ ഈ പാട്ട് യുട്യൂബിൽ കണ്ടത്. മോഹിപ്പിക്കുന്ന പാട്ട് പാടി മലയാളികളുടെ ഇഷ്ടം നേടിയ രഞ്ജിത് ഉണ്ണിയുടെ പാട്ടുവഴികൾ പരിചയപ്പെടാം.
Advertisement