വൈറ്റ്ഫീൽഡ് ഐടിപിഎല്ലിനു സമീപത്തെ ബഹുരാഷ്ട്ര കമ്പനിയായ ഹർമൻ കണക്ടഡ് സർവീസസ് കോർപറേഷന്റെ നാലാം നിലയിലെ കഫറ്റീരിയയിൽ നിന്നു താഴേക്കു ചാടി യുവതി ജീവനൊടുക്കി. ഇവിടത്തെ സീനിയർ സോഫ്ട്‌വെയർ എൻജിനീയർ ശോഭ ലക്ഷ്മിനാരായണയാണ് (30) മരിച്ചത്. രാജാജി നഗർ സ്വദേശിയാണ്.
മറ്റു ജീവനക്കാർ നോക്കി നിൽക്കെ രാവിലെ 9.20ന് ആണ് സംഭവം. രാവിലെ എട്ടരയോടെ ഓഫിസിലെത്തിയ ശോഭ, ലോഗിൻ ചെയ്തശേഷം കഫറ്റീരിയയിലേക്കു പോകുകയായിരുന്നു. ഇവിടത്തെ തുറന്ന ജനാലയിലൂടെയാണ് താഴേക്കു ചാടിയതെന്നു ദൃക്സാക്ഷികൾ പൊലീസിനോടു പറഞ്ഞു. ഇവരെ സമീപത്തെ ആശുപത്രിയിലെത്തിച്ചെങ്കിലും മരിച്ചിരുന്നു. വൈറ്റ് ഫീൽഡ് പൊലീസ് കേസെടുത്ത് അന്വേഷണം ആരംഭിച്ചു.
×