പാലക്കാട് കഞ്ചിക്കോട്ട് ഇരുപതു വയസുകാരി ആത്മഹത്യ ചെയ്ത കേസിൽ വീണ്ടും അന്വേഷണം. യുവതി ലൈംഗീക ചൂഷണത്തിന് ഇരയായെന്നാണ് പോസ്റ്റുമോർട്ടം റിപ്പോർട്ട്. പ്രതിയായ ശിവാജി നഗർ സ്വദേശി രതീഷിനെ പൊലീസ് അറസ്റ്റു ചെയ്തു.
കേന്ദ്ര പൊതുമേഖല സ്ഥാപനത്തിലെ ജീവനക്കാരനും ശിവാജിനഗർ സ്വദേശിയുമായ രതീഷിനെയാണ് വാളയാർ പൊലീസ് അറസ്റ്റ് ചെയ്തത്. ചുള്ളിമട ശിവാജിനഗറിൽ ആറുമുഖന്റെ മകൾ ഇരുപതു വയസുകാരി ആശ മരണപ്പെട്ട കേസിലാണ് അറസ്റ്റ്. യുവതി വിഷം കഴിച്ച് ആത്മഹത്യയ്ക്കു ശ്രമിച്ചിരുന്നു. ചികിൽസക്കിടെ കഴിഞ്ഞ തിങ്കളാഴ്ച മരിച്ചു. യുവതി ലൈംഗീക ചൂഷണത്തിനിരയായെനാണ് പോസ്റ്റുമോർട്ടം റിപ്പോർട്ട്.
അറസ്റ്റിലായ യുവാവിനെതിരെ ആത്മഹത്യ പ്രേരണകുറ്റം, വീട് അതിക്രമിച്ചു കയറൽ, മാനഭംഗം എന്നീ വകുപ്പുകളിൽ കേസെടുത്തു. അതേസമയം യുവതി പീഡനത്തിനിരയായില്ലെന്നാണ് ബന്ധുക്കൾ പറയുന്നത്