മലപ്പുറം വണ്ടൂർ തായംകോട് ഫുട്‌ബോൾ കളിക്കിടെയുണ്ടായ സംഘർഷത്തിൽ യുവാവ് കൊല്ലപ്പെട്ട കേസിൽ എട്ടു പ്രതികൾക്ക് ഇരട്ട ജീവപര്യന്തം. കാരക്കുന്ന് പുലത്ത് പറയങ്ങൻ അബ്‌ദുൽ നാസർ കൊല്ലപ്പെട്ട കേസിലാണ് മഞ്ചേരി അഡീഷനൽ സെഷൻസ് കോടതിയുടെ വിധി. ശിക്ഷ ഒരുമിച്ച് അനുഭവിച്ചാൽ മതി. കേസിൽ നാലു പേരെ നേരത്തെ വെറുതെ വിട്ടിരുന്നു. 2008 ഫെബ്രുവരി എട്ടിനാണു കേസിന് ആസ്‌പദമായ സംഭവം . ഫുട്‌ബോൾ കളിക്കിടെ റഫറിയുടെ നടപടിയെ ചോദ്യം ചെയ്‌തതിനെ തുടർന്നുണ്ടായ സംഘർഷങ്ങളുടെ തുടർച്ചയായാണ് അബ്‌ദുൽ നാസർ കൊല്ലപ്പെട്ടത്.
×