കേരളമുഖ്യമന്ത്രി പിണറായി വിജയന് മതസൗഹാര്‍ദ റാലി ഉദ്ഘാടനം ചെയ്യാമോ ? അതിനുള്ള യോഗ്യത പിണറായിക്കില്ലെന്ന് പറയുന്നത് സംഘപരിവാറാണ്. കണ്ണൂരിലെ രാഷ്ട്രീയകൊലപാതകങ്ങളുടെ ചോരക്കറയില്‍ മുങ്ങിയ വ്യക്തിയെന്നാണ് പരിവാര്‍പക്ഷം. സമൂഹമാധ്യമങ്ങളില്‍ ഗോ ബാക്ക് പിണറായി ഹാഷ്ടാഗുകള്‍ നിറഞ്ഞു. ഏതായാലും കനത്തപ്രതിഷേധങ്ങള്‍ക്കിടെ ദക്ഷിണ കന്നഡ സിപിഎം ജില്ല കമ്മിറ്റിയുടെ റാലി മംഗളുരൂവില്‍ മുഖ്യമന്ത്രി ഉദ്ഘാടനം ചെയ്തു. കോണ്‍ഗ്രസ് ഭരിക്കുന്ന കര്‍ണാടക സര്‍വസന്നാഹങ്ങളുമായി അദ്ദേഹത്തിന്‍ സുരക്ഷയൊരുക്കി. കൗണ്ടര്‍ പോയന്‍റ് ചോദിക്കുന്നു, ആരാണ് സമാധാനം ആഗ്രഹിക്കുന്നത് ?
×