ഇ.പി.ജയരാജന്റെ രാജി തീരുമാനം ഇത്രമേല്‍ പ്രകീര്‍ത്തിക്കപ്പെടുന്നത് എന്തുകൊണ്ടാണ്? സി.പി.എമ്മിന്റെ ഒരു മുതിര്‍ന്ന നേതാവ് അധികാരത്തിലേറി നാലുമാസം കൊണ്ട് സ്വജനപക്ഷപാതത്തിന്റെ പേരില്‍ രാജിവയ്ക്കേണ്ടി വന്നത് ധാര്‍മികത ഉയര്‍ത്തിപ്പിടിക്കലാണെന്ന് ആഘോഷിക്കപ്പെടുന്നത് എങ്ങനെയാണ്? ശരിയാണ്, അസാധാരണമായ സാഹചര്യം തന്നെയാണത്. പക്ഷേ ഈ ആഘോഷം അപഹാസ്യമാണെന്ന് വിമര്‍ശിക്കുന്നവര്‍ തന്നെയാണ് ഈ വൈരുധ്യം സൃഷ്ടിച്ചതെന്ന് പറയാതെ വയ്യ. രാഷ്ട്രീയധാര്‍മികതയെന്ന പദം എന്നെന്നേക്കുമായി നഷ്ടപ്പെട്ടുപോയിരിക്കുന്നുവെന്ന കേരളം ഭയപ്പെട്ട കാലത്തിനു ശേഷമാണ് ഈ തീരുമാനമെന്നത്, പ്രതിപക്ഷത്തിനേല്‍ക്കേണ്ട പ്രഹരമാണ്. മുഖ്യമന്ത്രി പിണറായി വിജയനും സി.പി.എമ്മും തീര്‍ച്ചയായും അഭിനന്ദനം അര്‍ഹിക്കുന്നു.
×