വെറുതെ കളിച്ചുല്ലസിച്ചും, കൂട്ടുകൂടിയും മാമ്പഴം പെറുക്കിയും പുഴയില്‍ ചാടിയും കഴിഞ്ഞ വേനലവധിക്കാലം മാഞ്ഞു പോയി. സമ്മര്‍ ക്യാംപുകളിലാണ് കുട്ടികള്‍. പുതിയ അറിവുകള്‍, കലാകായിക പരിശീലനം. ടൈംടേബിളുണ്ട് അവധിക്കാലത്തിന്. കുട്ടിക്ക്യാംപുകളുടെ സംഘാടകര്‍ക്കും തിരക്കിന്‍റെ കാലം. ഫേസ്ബുക്കും വാട്ട്സ്ആപ്പും ടിവിയുമായി അവധിക്കാലം മാറി. ഗൃഹപാഠങ്ങളും അവധിക്കാല പഠനങ്ങളുമായി എന്നെന്നും ഓർമ്മയിൽ സൂക്ഷിക്കാവുന്ന അവധിക്കാലങ്ങൾ കുട്ടികൾക്ക് നഷ്ടമായി. നാളെയുടെ പൗരന്മാരാണ് ഇന്നത്തെ കുട്ടികൾ. അവർ മണ്ണിനെ അറിഞ്ഞ് മനുഷ്യനെ അറിഞ്ഞ് വളരണം. അവധിക്കാലങ്ങളിൽ അവർക്ക് ടൈംടേബിൾ നിശ്ചയിക്കാതെ ഇരിക്കൂ. ഇതൊരു അപേക്ഷയാണ്.
×