അമേരിക്കൻ പ്രസിഡന്റ് തെരഞ്ഞെടുപ്പ് വിജയത്തിനുശേഷം തനിക്കെതിരേ അമേരിക്കയിൽ നടന്ന പ്രതിഷേധ പ്രകടനങ്ങൾ നടത്തിയവരെ മാധ്യമങ്ങൾ പ്രോത്സാഹിപ്പിക്കുകയായിരുന്നെന്ന് ഡോണൾഡ് ട്രംപ്. ട്വിറ്ററിലൂടെയാണു പുതിയ അമേരിക്കൻ പ്രസിഡന്റ് മാധ്യമങ്ങളെ രൂക്ഷമായി വിമർശിച്ചത്.
പ്രൊഫഷണൽ പ്രതിഷേധക്കാരാണു തെരുവിലിറങ്ങിയതെന്നും ഇവരെ മാധ്യമങ്ങൾ പ്രോത്സാഹിപ്പിക്കുകയായിരുന്നെന്നും ട്രംപ് ട്വീറ്റിൽ പറയുന്നു. ഇതു നീതീകരിക്കാവുന്നല്ല. സുതാര്യവും വിജയകരവുമായ തെരഞ്ഞെടുപ്പാണ് അമേരിക്കയിൽ കഴിഞ്ഞതെന്നും ട്രംപ് പറഞ്ഞു.
ട്രംപിന്റെ വിജയത്തിനുശേഷം അമേരിക്കയുടെ പ്രധാന നഗരങ്ങളിൽ ട്രംപ് വിരുദ്ധ പ്രതിഷേധ റാലികൾ നടന്നിരുന്നു. ട്രംപ് എന്റെ പ്രസിഡന്റ് അല്ല എന്ന പ്ലകാർഡുകൾ എന്തിയായിരുന്നു പ്രതിഷേധം.