ഉടൻ നടക്കാനിരിക്കുന്ന അഞ്ച് സംസ്ഥാന നിയമസഭാ തിരഞ്ഞെടുപ്പുകളിൽ ഉത്തർപ്രദേശ് കഴിഞ്ഞാൽ ഏവരും ഉറ്റുനോക്കുന്നത് പഞ്ചാബിലേക്കാണ്. ചരിത്രത്തിൽ ആദ്യമായി ത്രികോണ മത്സരത്തിനാണ് പഞ്ചനദികളുടെ നാടായ പഞ്ചാബ് സാക്ഷ്യം വഹിക്കുന്നത്. പുതിയ ശക്തിയായി ഉയർന്നു വരാൻ ആം ആദ്മി പാർട്ടിയും പത്ത് വർഷത്തിനു ശേഷം ഭരണം തിരിച്ചുപിടിക്കാൻ കോണ്‍ഗ്രസ്സും ഭരണം നിലനിർത്താൻ അകാലിദൾ, ബിജെപി സംഖ്യവും അരയും തലയും മുറുക്കി തിരഞ്ഞെടുപ്പു ഗോദയിൽ ഇറങ്ങിക്കഴിഞ്ഞു.
×