കണ്ണൂറുകാര്ക്കൊക്കെ നല്ലകാലമായിരിക്കാം. പക്ഷേ, ആലപ്പുഴക്കാര്ക്ക് സമയം മോശമാണ്. അതും വേറെ ആലപ്പുഴക്കാരാല്. ബജറ്റ് ചോര്ന്നു എന്നും പറഞ്ഞ് പ്രതിപക്ഷം ഇന്നും ബഹളമായിരുന്നു. വെള്ളിയാഴ്ചത്തെ ബജറ്റും കഴിഞ്ഞ് രണ്ടു ദിവസം പിന്നിട്ടപ്പോള് ഒക്കെ മറന്നിരിരിക്കും എന്നാണ് കരുതിയത്. എവിടെ മറക്കാന്. ചീഫ് സെക്രട്ടറി കൊടുത്ത ആദ്യ റിപ്പോര്ട്ടും വച്ചായിരുന്നു പിണറായി പിടിച്ചു നില്ക്കാന് നോക്കിയത്. പക്ഷേ ചെന്നിത്തല ഒരിഞ്ച് വിട്ടുകൊടുത്തില്ല. സംഗതി ധനമന്ത്രിയുടെ പിഎയുടെ പിഴവായി സമ്മതിച്ച് തീര്ത്തുവിടാന് എത്രനോക്കിയിട്ടും രക്ഷയില്ല. പിഎ മന്ത്രിയോടും മന്ത്രി മുഖ്യമന്ത്രിയോടും മുഖ്യമന്ത്രി സഭയോടും പിഴവ് സമ്മതിച്ചു. എന്നിട്ടും പ്രശ്നം തീരുന്നില്ല. ഇതില് പിടിച്ച് നിന്ന് ഇനി ബജറ്റിനകത്തെ കാര്യങ്ങള് ആരും ചര്ച്ച ചെയ്യാതെ പോകുമോ എന്തോ
ലോക്സഭയിലെ ഉദാഹരണം കൊണ്ടൊന്നും ചെന്നിത്തല നിര്ത്തില്ല. അദ്ദേഹം ഒരു ആഗോള പൗരനും കോമണ്വെല്ത്തുകാരനും ആയതു കാരണം ഉദാരഹണങ്ങള് ഇനിയും വരും. അടുത്തത് ലണ്ടനില് നിന്നാണ്