മലയാളത്തില് ഒരു ഇടവേളയ്ക്കുശേഷം പുറത്തിറങ്ങിയ ഹൊറര് ചിത്രം എസ്ര തിയറ്ററുകളില് വലിയ കൈയ്യടി നേടി മുന്നേറുമ്പോള് ആ വിജയത്തില് ചെറുതല്ലാത്ത പങ്കുവഹിച്ചയാളെ പരിചയപ്പെടാം. ചിത്രത്തിലെ ഭീതിജനകമായ രംഗങ്ങളുടെ പശ്ചാത്തല സംഗീതത്തിനൊപ്പം ഒരു കാലഘട്ടത്തെ ഒാര്മപ്പെടുത്തുന്ന തമ്പിരാന് എന്ന് തുടങ്ങുന്ന ഗാനവും സൃഷ്ടിച്ച സുഷീന് ശ്യാം.
തിരുകൊച്ചിയിലെ നാല്പതുകളും അക്കാലത്തെ മനുഷ്യര്ക്കൊപ്പം കഥയിലെ വഴിത്തിരിവിനെയും അടയാളപ്പെടുത്തുന്നു ഈ ഗാനം. രണ്ടുദിവസം മുന്പ് മാത്രം യു ട്യൂബില് അപ്ലോഡ് ചെയ്ത ഗാനം ഇതിനകം കണ്ടത് നാലുലക്ഷത്തിലധികം പേരാണ്. സിനിമയുടെ മൂന്നാമത്തെ ടീസര് എന്ന നിലയ്ക്കാണ് ഗാനം യു ട്യൂബിലും പുറത്തിറക്കിയത്.
സിനിമകണ്ടിറങ്ങുന്നവരുടെ ചുണ്ടുകളില് തമ്പിരാന് വീണ്ടും ഉതിരുമ്പോള് ദീപക് ദേവിനും , ഒൗസേപ്പച്ചനും , രാജാമണിക്കുമെല്ലാം ഒപ്പം പ്രവര്ത്തിച്ച സുഷീന് സ്വതന്ത്രമായ മേല്വിലാസം കണ്ടെത്തുകയാണ്. ചിത്രത്തില് ലൈലാകമെ എന്ന ഗാനത്തിന് സംഗീതം നിര്വഹിച്ച രാഹുല് രാജിനൊപ്പമാണ് സുഷീനും അവസരമെത്തിയത്. സുഷീന് ഒരുക്കിയ ത്രസിപ്പിക്കുന്ന പശ്ചാത്തലസംഗീതത്തിനൊപ്പം തമ്പിരാന് എന്ന ഗാനവും അങ്ങനെ ഹിറ്റ് ചാര്ട്ടിലേക്ക്.