ഇടതുസര്‍ക്കാര്‍ അധികാരത്തില്‍ വന്ന ശേഷം മുഖ്യമന്ത്രി ആവര്‍ത്തിച്ച് പറയേണ്ടി വന്നിട്ടുള്ള ഒരു വാചകമുണ്ട്. പൊലീസിന് വീഴ്ച പറ്റിയിട്ടുണ്ടോയെന്ന് പരിശോധിക്കും. ജനങ്ങളുടെ ജീവനും സ്വത്തിനും സംരക്ഷണം നല്‍കേണ്ട സേനയെക്കുറിച്ച് അദ്ദേഹത്തിന് ഇങ്ങനെ ആവര്‍ത്തിക്കേണ്ടി വരുന്നതെന്ത് ? പൊലീസിനെക്കുറിച്ച് പൊതുജനങ്ങള്‍ക്കുള്ള പരാതി തന്നെ. ഏറ്റവും ഒടുവിലത്തേത് കൊച്ചിയിലെ വിദ്യാര്‍ഥിനി മിഷേലിന്‍റെ ദുരൂഹമരണവുമായി ബന്ധപ്പെട്ട്. കൗണ്ടര്‍ പോയന്‍റ് ചോദിക്കുന്നു, നിരന്തരപരാതികള്‍ക്ക് ആഭ്യന്തരവകുപ്പിന് ഉത്തരമുണ്ടോ ?
×